Ay ishq kahein lay chal.....
Un chand sitaaroN key bikhrey howay shahroN meiN
unn noor ki kirnoN ki Thahri hui lahroN meiN
Thahri hui nahroN meiN, soiyee howi lahroN meiN
ai kHizr-e-haseeN lay chal! ay ishq kahiN ley chal !
aankhoN meiN samaai hai ik kHwaab-numaa duniya
taaroN ki tarah raushan mahtab numaa duniya
jannat ki tarah rangeeN shadaab numaa duniya
lillah wahiN ley chal! ai ishq kahiN lay chal!
yeH dard bhari duniya basti hai gunaahoN ki
dil chaak ummidoN ki, saffak nigahoN ki
zulmoN ki, jafaaoN ki, aahoN ki, karaahoN ki
haiN gHam sey haziN, lay chal! ay ishq kahiN ley chal!
qudrat ho himaayat per, humdard ho qismat bhi
salma bhi ho pahloo meiN, salma ki muhabbat bhi
har shai meiN faragHat ho, aur teri inaayat bhi
ay tifl-e-haseeN lay chal! ay ishq kahiN lay chal!
hum prem pujari haiN, tu prem kanhaiyya hai
hum prem kanhaiyya haiN, yeH prem ki nayyaa hai
yeH prem ki nayya hai, tu iss ka khiwayyaa hai
kuchh fikr nahiN lay chal! ay ishq kahiN lay chal!
posted by Zyenab at 7:11 PM
6 Comments:
Superb sharing!
bahut dinon ke baad itti achchi nazm padhne ki mili!
aapka haardik dhanyawaad Zainab ji!
Pasandgi k liye buhaat buhaat sukria manish ji....:)
waisay aap kahan gayab hain ?
I dun u'stand Urdu but I must say u sound really bold, special n precious...lovely blog!
Keshi.
wow...chaliye der se hee sahi..kuch to sabr ka phal mila ;)
Ishq ki daastan hai pyaare
apni apni zubaan hai pyaare ;)
keep up the good work
Wow... "ay ishq kahen le chal"
this is so beautiful...
cheers....
keshi : Thnxz for visiting :) do come again
Dawn : chalo kisi nay tou mana k phal mila :D ;)
Puneet : Thnxz a lot :)
Post a Comment
<< Home